世界這麼大,人生那麼短,如果後生有氣有力嘅時候冇好好咁遊一次呢個世界,相信將來一定會後悔,感恩有一份可以令自己實現夢想嘅工作,終於試過喺外站訂張機票訂間酒店出走嘅滋味,去賭城行一轉,上大峽谷數一二三影張靚相
位於亞利桑那州(Arizona)嘅科羅拉多大峽谷(Grand Canyon),如果由拉斯維加斯出發,大概三個鐘車程就可以到達峽谷嘅西緣(West Rim),豆腐建議大家可以上網報Local Tour,因為全包宴,包來回交通同早午餐,上到大峽谷仲可以自由活動 👏🏼
West Rim 主要分左兩個地方,第一個點係 Eagle Point,第二個點係Guano Point
第一個點Eagle Point,取名自峽谷上面嘅岩石,經千萬年嘅風化,岩壁上出現左老鷹展翅嘅外型,如果要影得清晰就一定要行近懸崖邊,「為影靚相你可以去到幾盡？」,豆腐選擇腳軟軟爬出去Zoom近黎影,都係嗰句你怯唔敢影,就會後悔 😏 隔離仲有一個叫Skywalk嘅玻璃底天空步道,高1158英尺凌空喺大峽谷上,不過所有入場嘅遊客禁止携帶任何物品,以免破壞天空步道嘅玻璃表面,所以真心話冇得自己影相,我做咩要比錢入去啵 📸
第二個點Guano Point主要係用餐區,不過同時係欣賞大峽谷同埋科羅拉多河嘅最佳位置 📸 本來豆腐好想行上去影相,可惜見到班強國大媽佔領左成個山頭,費是阻住人地搞革命搞起義啦 🙈🙈🙈
感激今年終於為自己搞左一個難忘嘅生日之旅 😊 希望他日有機會帶豆腐爸豆腐媽黎呢道玩啦 😊
本文同時於 TravelPop 刊登
https://www.travelpop.hk/posts/科羅拉多大峽谷-grand-canyon-遊記
Search